Lahren....

Sahil se kitna pyar karti hain lahren

Na jane kitna aitbar karti hain lahren

Janti hain sahil kahin ja nahi sakta

Pal pal usse milne ati hain lahren

Pyar ke koi shabd nahi hote

Puri duniya ko jatati hain lahren

Sahil chah kar bhi kuch kah nahi sakta

Uski har jarurat ko samajhti hain lahren

Pyas lagi hai sahil ko wo kah nahi sakta

Pal pal uski pyas bujhati hain lahren

Nirasha panap bhi na paye sahil me uski asamarthta ke karan

Har pal jeene ka hausla sahil me jagati hain lahren

Sahil lahron ko dekhta muskurata sa hai

Uski ek pyar bhari muskan me jan nyochawar kar jaye ye lahren

Kis hal me hoga unka pyara sa sahil

Yeh har waqt dekhne girti uthti ati hain lahren

Sahil ko har waqt apna pyar jatati hain lahren

Pyar se apne aanchal se sahil ko swakch karti hain lahren

Pyar bhara hath sahil par har pal pherti ati jati lahren

Jag me apne pyar ko gauravanvit karti hain lahren 

Pyar....

Pyar ki rah par le to hai wo mujhko aya

Pyar ke phoolon ki khushbu ka hai ehsas bhi usne mujhe karaya

Darti thi main is pyar ke nam par

Lekin pyar ka meetha-meetha ajab sa ehsas hai usne hi mujhe karaya

Pyar me ikrar karne ki khata usne hi karayi 

Pyar me aitbar karne ki khata usne hi karayi

Nahi dekhna chahti thi main koi sapna pyar ka

Par har sapna mujhe pyar ka usne hi dikhaya

Nahi hota sacche pyar me dhokha usne hi bataya

Pyar ki har takat se usne hi avgat karaya

Pyar me kurbaniyaan hoti hain lekin

Pyar me sapnon ko khushi se kurban karke bhi muskurana usne hi sikhaya

Pyar ke har dukh se kaanp si jati thi main

Par pyar ka har dard meetha hai usne hi bataya

Pyar ki padhai me anpadh hi thi main

Pyar ka har paath usne hi sikhaya 

Ye dil....

Ae bekhabar ye jan le

Is dil par tu raj karta hai

Ye dil bhi teri gulami me

Khushiyon ki mala bunta hai

Is bat ko ab man le

Dil me tere sapne saj gaye hain

Unhe pura karne ki chahat me

Dil tujhe salami deta hai

Jo kuch bhi ab chahe tu

Is dil se karwata hai

Har pal teri chahat me

Ye dil gulami karta hai

Jab chaha tune hasa diya

Jab chaha tune rula diya

Phir bhi teri chahat me

Ye dil dhadakta rahta hai

Jab chaha tune ise toda

Jab chaha tune ise joda

Phir bhi tere pyar me

Har pal aanhen bharta hai

Jab chaha tune apnaya

Jab chaha tune ise choda

Phir bhi tere intzar me

Rat din soye na jagta hai

Dil bhi mera pagal hai

Ek na meri mane hai

Ab jana maine kyunki isme

Tera shaashan chalta hai

Tujhe nazar na lag jaye....

Duniya dekhe tera pyar aj meri in aankhon me

Duniya dekhe tera chehra aj meri in aankhon me

Aanknhon me laga lu kala kajal kahin 

tujhe nazar na lag jaye

Tera chehra tera pyar 

dono hi ab bach jayen

Phir bhi mera man teri fikr me ghabraaye

Palken bhi ab jhuka li maine 

na koi tujhe ab dekh paye

Dekhe dhokhe se bhi to 

kala kajal tujhe bachaye

Har pal teri fikr sataye mujhe ab 

Tujhe nazar na lag jaye

Phir bhi mera man teri fikr me ghabraaye

Duniya dekhe teri khushiyan aj meri muskan me

Duniya dekhe tere sapne aj mere in karmon me

Duniya se chupkar muskaun ab kahin 

teri khushiyon ko nazar na lag jaye

Karmon ko odha du main ab pyar ki chadar

Tere sapnon ko nazar na lag jaye

Phir bhi mera man teri fikr me ghabraaye

Dil par jaadu chaya hai....

Tujhme jane kaisa jadu hai

Jo man ko mere bhaya hai

Chain nahi ab dil ko mere hai

Ab to dil par jaadu chaya hai

Bahut sambhala dil ko maine

Par dil bekabu ho gaya

Bahut ki koshish rokne ki par

Jane kaha gum ho gaya

Dhund dhund kar apne dil ko

pagal si main hone lagi

Na jane apne dil ke bina

main kahi khone lagi

Dil ke bina bhi kya koi jeeta hai

Ye jankar bhi pata nahi dil kyun manmani karta hai

Use dundhne me baichain si main hui ja rahi thi

Kai sawal the man me jin ke jawab khojti ja rahi thi

Kaha hoga kaisa hoga chinta mujhe satayi ja rahi thi

Par dil ko mere apni hi dhun sawar hue ja rahi thi

Gumsum sa mujhe kar gaya mera dil

Jane kyun na rah gaya mera hi ab mera dil

Kyun paraya kar gaya mujhe mera dil

Kyun sambhal na paya mujhse hi ab mera dil

Ek din achanak mera dil samne aya

Bade pyar se mujhe chidhaya

Kaha..

Kisi nek dil ne mujhse apni chahat ka izhar kiya

Aur pata nahi kaise mujhe apna bana liya

Maine pyar kiya hai ikrar tumhe karna hoga

Pyar ka yeh bhog ab tumhe chakhna hi hoga

Kahte hue dil naach raha tha

Wo khushi se jhum raha tha

Mera dil khush tha main bhi khush hone lagi

Dil ki kahi baton par jane kaise chalne lagi

Uske hi khayalon me jane kaise khone lagi

Mera dil ab mera na tha

Par uska dil ab mera hai

Mera dil to mujhse sambhla nahi

Uska dil sambhalna hai

Dil par jaadu chata hai to jane kya kya hota hai

Mere dil par jaadu chaya hai

Ab dil par jaadu chaya hai

Tab kaha the.....

Yad hai mujhe diya tha dil tumhe

Kah kar amanat hai meri

Rakhna sambhal ke har waqt har lamha

Toot raha tha jab wo tab kaha the

Yad hai wo lamha mujhe diya tha ek duje ko jab humne apna hath

Kiya tha ye wada zindagi bhar na chodenge ek dusre ka sath

Gir rahi thi main chahiye the sambhalne ke liye tumhare hath

Tab kaha the

Yad hai mujhe meri majburiyon par kabhi hansti thi ye duniya

Jab main nirash hoti thi to samne akar hath mera tham jo tum lete the

Har jakhm har nirasha har dukh usi pal bhula dete the

Has raha tha sansar ek bar phir mere upar tab kaha the

Yad hai wo wada jisme dhadkan meri tum aur main tumhari thi

Wada tha rukne na denge dhadkano ko ek duje ki kabhi

Kisse kahu ki ye dhadkane ruki ja rahi thi tere liye

Tab kaha the

Dil....

Is dil ne dard diya to kya galat kiya

Agar na deta to dard kya hota hai koi janta kaise

Is dil ne tadap di to kya galat kiya

Agar na deta to tadap kya hoti hai koi janta kaise

Is dil ne aankhon me aansu diye to kya galat kiya

Agar na deta to aansuon ki kimat koi janta kaise

Is dil ne dhoka diya to kya galat kiya

Agar nahi deta to dhokhe ka dard koi samajhta kaise

Dil to pyar me andha ho jata hai

Andhapan kya hai wo jane kaise

Dil to pyar me hans ke sab dard seh  jata hai

Dard kya hota hai wo jane kaise

Dil to pyar me dhokha kha jata hai

Dhokhebajon ko pahchane kaise

Dil ko koste waqt ye kyun bhul jata hai koi insan

Ki isi dil ne to di hai pyar karne walon ko ek pahchan

Dil ne pyar karne ki himmat to dikhai

Warna kya yah himmat dikha pata koi insan

Dil ne kuch pane ki chah to rakhi

Warna jab dil hi nahi to kya chah karta koi insan

Itihas gawah hai ki dil logo ko pyar karna sikhata raha hai

Aur pyar itihas me apna nam rachata raha hai

Dil ke kisi kone me jane kab tha wo aya

Sabse pahle dil ke angan par hai jagah banaya

Dil ke darwaze ko jaise hi dastak thi uski ayi

Khud se hatkar usne ghar ke andar jagah hai uski banayi

Ghar ke andar dheere dheere ghus raha tha is kadar

Dil bhi uski in shararaton se tha ekdum bekhabar

Andar ghuskar usne dil ki dhadkan ko dost banaya

Dheere dheere usne dhadkan ko hai pyar jataya

Dhadkan ne pyar ki hami bharkar khud ko joro se dhadkaya

Dhadak dhadak kar usne dil ko bhi joro se behkaya

Behakte hi dil ke meri zindagi behak gayi

Na jana kab uske pyar me is kadar kho gayi

Kisi ki yad me har pal rahna accha lagne laga

Kisi ke sath har pal rahne ka sapna sajne laga

Har pal uske sath maza lagne lagi

Ek pal uske bagair saza lagne lagi

Ek din apni baahon me pyar se usne is tarah sameta

Meri duniya puri wo hai dil ne yad dilaya

Meri puri duniya wo hai mera pura sapna

Duniya me aisa hai ek jise hak se kahun main apna

Hai wo mera apna hai wo mera pyar

Bharosa jis par hai mujhe bina kisi adhar